වැරැද්ද පිළිගෙන, සමාව ඉල්ලිමත් ජිවිතේ සැනසීම, සතුට රදවාගන්න පුළුවන් තවත් එක රහසක් ...........

අසල්වැසි පවුල් දෙකක් ජීවත් විය. එක් පවුලක නිරන්තර ආරවුල් ඇති වූ අතර අනෙක් පවුල සන්සුන්ව, ආදරණියව හා මිත්රශීලීව ජීවත් විය.

දිනක් අසල්වැසි පවුල තුළ ඇති  යහපත් ආදරණිය තත්වය   ගැන ඊර්ෂ්‍යා වූ බිරිඳ තම සැමියාට මෙසේ පැවසුවාය.

'' අසල්වැසියන් වෙත ගොස් ඔවුන් ඒ වගේ ලස්සනට ජිවත්වෙන විදිහ  සඳහා කරන්නේ කුමක්දැයි බලලා එන්න.''

බිරිදගේ කීම පිලිගත් සැමියා ඇවිත් හැංගිලා බලන්න පටන් ගත්තා. කාමරයේ බිම පිසදමමින් සිටින නිවැසි කාන්තාව ඔහු දුටුවේය. එක්වරම යමක් ඇගේ අවධානය වෙනතකට යොමු කළ අතර ඇය කුස්සියට දිව ගියාය. ඒ වෙලාවේ ඇගේ සැමියා කාමරයට දුවගෙන ආවේය. ඔහු වතුර බාල්දිය දුටුවේ නැත,වැරදීමකින් එයට පයින් ගැසුවේය, එබැවින් ජලය උතුරා ගියේය.

එවිට ඔහුගේ බිරිඳ කුස්සියේ සිට ආපසු පැමිණ ඔහුට මෙසේ කීවාය.

''මට සමාවෙන්න, පැටියෝ, මම බාල්දිය ඉවත් නොකළ නිසා  ඔයාට මෙහෙම වුණේ එය මගේ වරදක්.''

''නැහැ, මට සමාවෙන්න, පැටියෝ, එය මගේ වරදක්, මන්ද මම එය දැක්කේ නැහැ.''

රහස  සෙවීමට ගිය මිනිසා ආපසු නිවසට පැමිණි අතර එහිදී බිරිඳ ඔහුගෙන් මෙසේ ඇසුවාය.

''ඔවුන්ගේ සතුටේ රහස  ඔබ සොයා ගත්තාද?

''ඔව්, ඔවුන්ගේ රහස තමයි එකිනෙකාගෙන් සමාව ඉල්ලිම සහ වරද පිළිගැනීම''

තමන්ගේ ආදරණියන් ගෙන් සමාව ඉල්ලිම, තමන් අතින් වෙච්ච වැරැද්දක් පිළිගැනීම, ඔබට මොහොතකටවත් හිතිලා තියෙනවද මදි පුන්චි කමක් විදිහට. එහෙනම් ඔයාට කොතැන හරි වැරදිලා නැතිනම් මානය උද්දච්චකම කියන මයාවෙන් ඔයාගේ ආදරණිය හිත වැහිලා ගිහිල්ලා...

විවාහ වෙනවටත් වඩා ඉක්මනට දික්කසාද වීම නැතිනම් වෙන්වීම වැඩිවෙලා තියෙන්නෙත් සෙකන්ඩ් නොවීම තුළ වෙන්නත් පුළුවන්. තමන්ගේ වැරැද්ද නිහතමානීව පිළිගෙන සමාව ගැනීම නිවට කමක් ලෙස නම් දකින්න එපා. එක විදිහට බැලුවොත් ඒක සතුට, ආදරය වැඩිකරගන්න පුළුවන් මැජික් එකක් වගේ දෙයක් විදිහට යොදාගන්නත් පුළුවන්.

අත්හදා බලන්න වාද විවාද දින සති මාස ගණන් ඇදගෙන යන්නේ නැතිව '' මගෙන් වැරද්දක් උනේ මට සමාවෙන්න ''කියලා කියලා බලන්න හිතට සැනසීමක් දැනෙයි ඔයාටත්.

පිනි බින්දුවකට සමාන වෙලා තියෙන මේ ජිවිතේ තමන්ගේ ආදරය, ළබැදියන් වෙනුවෙන් සමාව දෙන්නත්, සමාව ඉල්ලන්නත් මොහොතකටවත් පමා වෙන්න එපා. මොකද සමාව දෙන්න වගෙම සමාව ගන්නත් ඊළග තත්පරේ ඒ කෙනා නොඉදින්න පුළුවන්.

''මම මොකටද සමාව ගන්නේ, එයාගෙනේ වැරැද්ද'' එහෙමයි කියලා ඔයාගේ ජිවිතේ වගේ ලගින් ඉන්න අයව අහිමි කරගන්න ඔයාට පුලුවන්ද? 

ආදරේ දශමයකින් වත් අඩු කරගන්න පුළුවන්ද? එහෙම ලේසියෙන් බැදිම් වලින් ගැලවෙන්න අපිට බැහැ නේද? එහෙනම් සමාව ගත්තා, වැරැද්ද පිළිගත්තා කියලා ඔයාට අහිමි වෙන්නේ මොනවද? ඒ වගේ දේකින් ආත්ම ගරුත්වය නැතිවෙන්න තියෙන ඉඩ නම් හරිම විරලයි නේද?

ඕනෑම වැරැද්දක් කරලා , එකම වැරැද්ද පුරුද්දට වගේ කරන අයට සමාව දෙන්න ඉක්මන් වෙන්න කියලා නම් නෙවෙයි මම කියන්න උත්සහා කලේ. වැරදියට තේරුම් ගන්න එපා. කොච්චර ප්‍රභල බැදිමක් උනත් අත්හරිනවද නැද්ද කියන තීරණය ගන්න එක සම්පුර්ණයෙන්ම ඔයාට බාරයි.

අත්පසුවීම්,සිත් රිදිම්,අඩුපාඩු කම් වලදි, ''මට සමාවෙන්න කියලා කියන්න පුරුදු වෙන්න ඒ දේ ඔබේ ජිවන සහකරුවට,සහකාරියට විතරක් නෙවෙයි, ඔබේ දරුවන්ට උනත් කියන්න මැලි වෙන්න එපා. මොකද ඒ වගේ දේවල් වලින් ලැබෙන ප්‍රතිලාභ ගොඩාක් වටිනවා.

''පහු පහු වෙද්දි කොහු කොහු නොවෙන්න නම්'' මම මේ කියන්න උත්සහ කරපු දේත් ඔයාට  දශමකින් හරි උදව්වෙන්න පුළුවන්. එහෙනම් තනා ගත්තු කූඩුවල සතුටින්ම ඉන්න උත්සහා ගන්න. පැටවුන්ට සීසි කඩ විසිරෙන්න දෙන්න එපා. මොකද පැටවුන්ට සතුටක් අම්මගෙයි, තත්තගේයි ආදරය......

උදාරි ජයතිලක